غلِطْنَا بحقَّكْ يا يَرموكْ ومنَّكْ السَّمَاحْ
**************************
يَا مخيَّمْ وإلَكْ منَّا أحلَى وأجْملْ صَباحْ
شو بِنْقولْ: إرْتَاحِ الفِكِرْ والهَمّْ رَاحْ
أو بِنْقولْ: رَاحِ الهَمّْ والفِكِرْ مِرتَاحْ
مو مُهِمْ المُهم تِرْجَعِلنَا البَهْجِة والأفْراحْ
ومِتلْ ما شَدَا ''ودِيعْ'' / أبُو فَادِي وصَاحْ
عَ الله تْعُودْ إِلنَا البَهْجِة والِفْراحْ
وِلِفْ بالمُخيَّمْ ضَلُّو وَ وِلِفْ رَاحْ
قَضِّيِنَا الحَرِبْ كلُّها دَمَارْ وجْراحْ
بكفِّينا هِجرانْ وقَتِلْ ودَمْ ونُواحْ
وإنْشَالله بِنرَجِّعْلَكْ البَسْمِة والأفْرَاحْ
يا مُخَيَّم تِسْتاهَلْ الخِيرْ ونَاسَكْ مْلاحْ
طِلْعُوا الغُرَبا وأَخدُوُا مَعَاهٌم السّلاحْ
اليَرْموكْ بدُّو سِلِمْ ما بْيلْزمُو سْلاحْ
نِادَى المُنادي فِيهْ حَيَّ على الفَلاحْ
كُلنَا غلِطْنَا بحقَّكْ ومنَّكْ السَّمَاحْ
يِكْفينا بُكَا وآَلامْ بتْكَفِّينا الجْرَاحْ
ودْعُّوا يا أهِلْنْا هــَ الحُزُنْ والأَتْرَاحْ
لازمْ نْسامِحْ بَعَضْ ونِنْسَى إللِّي راحْ
مَا لازِم ْيتكرَّر إللِّي جَرَى وإنْزَاحْ
حسينْ مع عُمرْ وحَنَّا مع مْحمَّدْ وصَلاحْ
لازِمْ ولادْنا يْعِيشُوا عَ الحُبّ و السَّمَاحْ
ويفْرَحُوا وصْرَاخْهُمْ يعبُّي الدِّنِي صيَاحْ
ونِشرَبْ كَاسَكْ يا مخيَّم ونِرفَع الأقْداحْ
يلَّلا سَوَى بْنِبنِيكْ وبِنْلَملِمْ الجْرَاحْ
يلَّلا إِيِدْ بإِيِدْ بنْعَمْرُّكْ ونِبْدا الإصْلاحْ
طِلْعتْ شَمِسْنا والفَجِر بالسَّمَا لاحْ
منَّك المسِكْ طِلِعْ والعِطِرْ منَّكْ فُاحْ
بَاسْ الجَميعْ تْراَبَك والكُلّ بِحُبُّهْ بَاحْ
أقَامُوا صَلاةْ شُكُرْ فِي جَامِع صَلاحْ
إحنَا رْجِعْنَا وهَايْ الشَّهيدْ بِقَبرُه إرْتَاحْ
والضَّايِعْ رِجعْ والأَسِيرْ أطْلَقُولُهْ السَّرَاحْ
مَاضِينَا صَارْ تَارِيخْ وإنْكَتَبْ عَ لْوٍاحْ
هُونْ المُخَيَّمْ وأهْلُو كُلْهُمْ رْجَالْ أقحاحْ
صَبَروا على الجوعْ والعطش والجْراحْ
الله يرْحَم الشُّهَدا واللي دَمْهُمْ عَ تْرابَك سَاحْ
إشهَدْ عَلينَا يا زَمَنْ وإشْهَدْ عَليَنا يا صَاحْ
اليَرموكْ صَمَدْ وحبُّو لَــ فَلَسْطِينْ ما إنْزَاحْ
د٠ محمد طرزان العيق
صوفيا/11.02.2014
**************************
يَا مخيَّمْ وإلَكْ منَّا أحلَى وأجْملْ صَباحْ
شو بِنْقولْ: إرْتَاحِ الفِكِرْ والهَمّْ رَاحْ
أو بِنْقولْ: رَاحِ الهَمّْ والفِكِرْ مِرتَاحْ
مو مُهِمْ المُهم تِرْجَعِلنَا البَهْجِة والأفْراحْ
ومِتلْ ما شَدَا ''ودِيعْ'' / أبُو فَادِي وصَاحْ
عَ الله تْعُودْ إِلنَا البَهْجِة والِفْراحْ
وِلِفْ بالمُخيَّمْ ضَلُّو وَ وِلِفْ رَاحْ
قَضِّيِنَا الحَرِبْ كلُّها دَمَارْ وجْراحْ
بكفِّينا هِجرانْ وقَتِلْ ودَمْ ونُواحْ
وإنْشَالله بِنرَجِّعْلَكْ البَسْمِة والأفْرَاحْ
يا مُخَيَّم تِسْتاهَلْ الخِيرْ ونَاسَكْ مْلاحْ
طِلْعُوا الغُرَبا وأَخدُوُا مَعَاهٌم السّلاحْ
اليَرْموكْ بدُّو سِلِمْ ما بْيلْزمُو سْلاحْ
نِادَى المُنادي فِيهْ حَيَّ على الفَلاحْ
كُلنَا غلِطْنَا بحقَّكْ ومنَّكْ السَّمَاحْ
يِكْفينا بُكَا وآَلامْ بتْكَفِّينا الجْرَاحْ
ودْعُّوا يا أهِلْنْا هــَ الحُزُنْ والأَتْرَاحْ
لازمْ نْسامِحْ بَعَضْ ونِنْسَى إللِّي راحْ
مَا لازِم ْيتكرَّر إللِّي جَرَى وإنْزَاحْ
حسينْ مع عُمرْ وحَنَّا مع مْحمَّدْ وصَلاحْ
لازِمْ ولادْنا يْعِيشُوا عَ الحُبّ و السَّمَاحْ
ويفْرَحُوا وصْرَاخْهُمْ يعبُّي الدِّنِي صيَاحْ
ونِشرَبْ كَاسَكْ يا مخيَّم ونِرفَع الأقْداحْ
يلَّلا سَوَى بْنِبنِيكْ وبِنْلَملِمْ الجْرَاحْ
يلَّلا إِيِدْ بإِيِدْ بنْعَمْرُّكْ ونِبْدا الإصْلاحْ
طِلْعتْ شَمِسْنا والفَجِر بالسَّمَا لاحْ
منَّك المسِكْ طِلِعْ والعِطِرْ منَّكْ فُاحْ
بَاسْ الجَميعْ تْراَبَك والكُلّ بِحُبُّهْ بَاحْ
أقَامُوا صَلاةْ شُكُرْ فِي جَامِع صَلاحْ
إحنَا رْجِعْنَا وهَايْ الشَّهيدْ بِقَبرُه إرْتَاحْ
والضَّايِعْ رِجعْ والأَسِيرْ أطْلَقُولُهْ السَّرَاحْ
مَاضِينَا صَارْ تَارِيخْ وإنْكَتَبْ عَ لْوٍاحْ
هُونْ المُخَيَّمْ وأهْلُو كُلْهُمْ رْجَالْ أقحاحْ
صَبَروا على الجوعْ والعطش والجْراحْ
الله يرْحَم الشُّهَدا واللي دَمْهُمْ عَ تْرابَك سَاحْ
إشهَدْ عَلينَا يا زَمَنْ وإشْهَدْ عَليَنا يا صَاحْ
اليَرموكْ صَمَدْ وحبُّو لَــ فَلَسْطِينْ ما إنْزَاحْ
د٠ محمد طرزان العيق
صوفيا/11.02.2014