يوميات الفلاح الفصيح
حلقة الجمعية الزراعية
=============
فلاح وبأزرع غيطى خضار وارجع اريح فى الدوار
وام اسماعيل تحمل فى حمار بسباخ طبيعى من الدوار
وعيالى يجوا يساعدونى والشمس تحرق فى عيونى
وفى الضهر نقعد تحت الخص وناكل غدانا مرة ونص
وجاموسة بتدور ساقية تروى فى ارضى الباقية
وعيالى بيلموا الدودة او حشرة ضارة وبعوضة
وهوا عليل ويا الخضرة وطبيعة تعكس القدرة
كله ايات من خلق الله جمال طبيعى ده ماشاء الله
وقالوا لى ليه تحرت يدوى ده مضيعة لوقتى وجهدى
قلت وماله كفاية ازمات لازم أأجر فى المحرات
وقالوا لى قول للجمعية محرات لارضى الزراعية
وقالوا لى لازم تاخد دور واستنى فترة بكل سرور
وقلت بلاها من المحرات حأزرع فى حلبة مع كرات
وقلت اروح الجمعية اطلب تقاوى زراعية قالوا مافيش برضه تقاوى
وسمعت يعنى فى اغانى من سوق دى سودا لو غاوى
طب ليه بيعملوا جمعية وسموها يعنى زراعية
لو ليك قريب فيها يا سعدك يديك ويبقى من وعدك
ولوكنت زى ابو حمودة عليك وعالسوق السودا
وقلت بلاها دى تقاوى بتجيب مشاكل للغاوى
وطلبت برضه يعنى سماد قالوا ما فيش وكفاية عناد
وضربت راسى بالجزمة وقلت ليه بأعمل ازمة
انا عندى بقرى فى زريبة وسباخ طبيعى يادى العيبة
بلاها فى سماد كيماوية وطلبات كتيرة محلية
ده طمع واسمه انانية تشغل فى جمعية زراعية
دى مسئولية وطنية وشكل للعيشة هنية
زمان ماكانش فى جمعية ولا اى مشكلة زراعية
بلاها برضه الملوخية والمرقة ويا التقلية
وهى الفلاحة اليدوية احسن وافضل وطبيعية
وماهما يقولوا بدائية بس احسن برضه من الجمعية
شوفوا لنا صرفة يا مسئولين ليه السماد شاحح وقليل
وتقاوى برضه مش لاقيين والمية ناقصة فى وادى النيل
هل دى مشاكل طبيعية ولا بسبب الجمعية
لو فيها فرخة وبلدية تبقى لنا خدمة وطنية
ويارب بالزرع الاخضر يجعل طريقوا على طول اخضر
وتعيشوا سعدا ومتهنين لما حتنصفوا الفلاحين.
والناشفة ليكو تبقى طرية وتعيش الامة العربية.
مع تحيات الفقير الى الله
ياسر شرف- كبير محررين مترجمين
بقطاع الاخبار- الاذاعة والتلفزيون
[email protected]
حلقة الجمعية الزراعية
=============
فلاح وبأزرع غيطى خضار وارجع اريح فى الدوار
وام اسماعيل تحمل فى حمار بسباخ طبيعى من الدوار
وعيالى يجوا يساعدونى والشمس تحرق فى عيونى
وفى الضهر نقعد تحت الخص وناكل غدانا مرة ونص
وجاموسة بتدور ساقية تروى فى ارضى الباقية
وعيالى بيلموا الدودة او حشرة ضارة وبعوضة
وهوا عليل ويا الخضرة وطبيعة تعكس القدرة
كله ايات من خلق الله جمال طبيعى ده ماشاء الله
وقالوا لى ليه تحرت يدوى ده مضيعة لوقتى وجهدى
قلت وماله كفاية ازمات لازم أأجر فى المحرات
وقالوا لى قول للجمعية محرات لارضى الزراعية
وقالوا لى لازم تاخد دور واستنى فترة بكل سرور
وقلت بلاها من المحرات حأزرع فى حلبة مع كرات
وقلت اروح الجمعية اطلب تقاوى زراعية قالوا مافيش برضه تقاوى
وسمعت يعنى فى اغانى من سوق دى سودا لو غاوى
طب ليه بيعملوا جمعية وسموها يعنى زراعية
لو ليك قريب فيها يا سعدك يديك ويبقى من وعدك
ولوكنت زى ابو حمودة عليك وعالسوق السودا
وقلت بلاها دى تقاوى بتجيب مشاكل للغاوى
وطلبت برضه يعنى سماد قالوا ما فيش وكفاية عناد
وضربت راسى بالجزمة وقلت ليه بأعمل ازمة
انا عندى بقرى فى زريبة وسباخ طبيعى يادى العيبة
بلاها فى سماد كيماوية وطلبات كتيرة محلية
ده طمع واسمه انانية تشغل فى جمعية زراعية
دى مسئولية وطنية وشكل للعيشة هنية
زمان ماكانش فى جمعية ولا اى مشكلة زراعية
بلاها برضه الملوخية والمرقة ويا التقلية
وهى الفلاحة اليدوية احسن وافضل وطبيعية
وماهما يقولوا بدائية بس احسن برضه من الجمعية
شوفوا لنا صرفة يا مسئولين ليه السماد شاحح وقليل
وتقاوى برضه مش لاقيين والمية ناقصة فى وادى النيل
هل دى مشاكل طبيعية ولا بسبب الجمعية
لو فيها فرخة وبلدية تبقى لنا خدمة وطنية
ويارب بالزرع الاخضر يجعل طريقوا على طول اخضر
وتعيشوا سعدا ومتهنين لما حتنصفوا الفلاحين.
والناشفة ليكو تبقى طرية وتعيش الامة العربية.
مع تحيات الفقير الى الله
ياسر شرف- كبير محررين مترجمين
بقطاع الاخبار- الاذاعة والتلفزيون
[email protected]
