رجل مرحلة ..رؤية محمد جرادات
(هذه الفكرة من وحي الكاتب وليست من وحل الواقع ،واي تشابه بينها وبين الواقع لا سمح الله يعني ان الواقع اصبح بحاجة الى اعادة تاهيل )
بعد ان اصابه الملل من الوقوف اليومي على صاج قلي الفلافل وازكم انفه الرائحة النافذه التي تذكره كلما تسللت الى انفه بيوم رسوبه في الصف العاشر وتحوله من طالب غبي على مقاعد الصف الخشبية الى افضل معلم لقلي الفلافل في المنطقة كان ابو انور السكع وهو احد اهم زبائنه الذي اعتاد رؤيتهم يوميا فهو صاحب صالون حلاقة قريب لا زال يحتفظ فيه بتلك الالة اليديوية التي تشبه مجز الشجر لان بعض زبائنه من بيض الشعر لا زالو يفضلونها .
ابو انور السكع( كما يسميه اهل الحارة) وقد شاهد حيرة على وجه مسعود صانع الفلافل فهو يحرك حبات الفلافل في الصاج الملتهب وقد اوشكت على الاحمرار المسود الذي يفقدها الطعم والرائحة وحتى الشكل المطلوب فبادره متطفلا كما يفعل مع كل زبائنه .
:خير يا مسعود شو شاغل بالك ؟؟
مسعود وهو اعلم بتطفل الحلاقين
:ما ينشغلك بال عمي ابو انور بس والله بفكر بشغلة
:خير يا ساتر بعدها الحجة تعبانة ؟
: لا من لما اخدت مدر البول ودوا الضغط الجديد وضعها اتحسن الحمد لله
: طيب احكي يا زلمة شو الموضوع شغلت بالي
:والله يا عمي ابو انور بفكر اغير المصلحة ،يعني الوقفة على صاج الفلافل بطلت تشبع غروري !!
ابو انور السكع وقد اطلق ابتسامة خريفية تخللها حديث داخلي لم يطلع عليه احد
: وشو بدك تشتغل يا عمي يا مسعود هو انتا معك شهادة والا صنعة غير هاي ما انتا يا دوب بتفك الخط !!؟
:والله مش عارف عمي ابو انور بدي افكر بشغل جديدة، بطلت اتحمل ريحة الفلافل حاسس انه مستقبلي بضيع !!
ابو انور برم شاربه غير المنتظم وبدا بحك ذقنه الحليقه ثم لمعت عيناه وقال كانما سقطت عليه تفاحة نيوتن
: شو رايك تشتغل نجار ،النجارة ما بدها هالخبرة ومعو معو بتتعلم ؟
:لا الله يخليك نجارين البلد مش لاقين شغل والخشب غالي والضرايب ذابحتهم
حك ابو انور راسه وهو ينظر الى الجهة المقابلة حيث محل ابو سلامة للالبسة
:شو رايك تفتح محل البسة شوف ابو سلامة من الصبح محله مليان زباين ؟
:لا يا عمي فال الله ولا فالك هاي بدها خبرة وموديلات وشتوي وصيفي ما بتزبطلي انا
وضع ابو انور يديه على خصره وبدا يحرك عينيه وفجاة
: شو رايك تفتح قهوة
:لا
طيب تبيع معسل
:لا
: طيب حداد
:لا
طيب تبيع خضرة على التراكتور
:لا
وبعدد نفاذ الخيارات ابتسم ابو انور حتى بانت اسنان الصفراء وطواحينه المكسورة وقال وهو يتناول كيس الفلافل :
انا عندي الك شغلة ممتازة ،مناسبة بدهاش ناس فهمانة ، وسهلة بدهاش تعب ،مجانية بدهاش راس مال ، وبتعملك قيمة بين الناس،وبتخليك مشهور ، وبتصير تقعد مع القيادات والافراد ،وبتتفتش عنك الجهات الداعمة والراعية ، وبتكون رجل المرحلة !!
مسعود متلهفا وقد سالت لعابه على صاج الزيت
: شو هالشغله هاي الي بدور عليها؟؟!!
:ناشط اجتماعي
(هذه الفكرة من وحي الكاتب وليست من وحل الواقع ،واي تشابه بينها وبين الواقع لا سمح الله يعني ان الواقع اصبح بحاجة الى اعادة تاهيل )
بعد ان اصابه الملل من الوقوف اليومي على صاج قلي الفلافل وازكم انفه الرائحة النافذه التي تذكره كلما تسللت الى انفه بيوم رسوبه في الصف العاشر وتحوله من طالب غبي على مقاعد الصف الخشبية الى افضل معلم لقلي الفلافل في المنطقة كان ابو انور السكع وهو احد اهم زبائنه الذي اعتاد رؤيتهم يوميا فهو صاحب صالون حلاقة قريب لا زال يحتفظ فيه بتلك الالة اليديوية التي تشبه مجز الشجر لان بعض زبائنه من بيض الشعر لا زالو يفضلونها .
ابو انور السكع( كما يسميه اهل الحارة) وقد شاهد حيرة على وجه مسعود صانع الفلافل فهو يحرك حبات الفلافل في الصاج الملتهب وقد اوشكت على الاحمرار المسود الذي يفقدها الطعم والرائحة وحتى الشكل المطلوب فبادره متطفلا كما يفعل مع كل زبائنه .
:خير يا مسعود شو شاغل بالك ؟؟
مسعود وهو اعلم بتطفل الحلاقين
:ما ينشغلك بال عمي ابو انور بس والله بفكر بشغلة
:خير يا ساتر بعدها الحجة تعبانة ؟
: لا من لما اخدت مدر البول ودوا الضغط الجديد وضعها اتحسن الحمد لله
: طيب احكي يا زلمة شو الموضوع شغلت بالي
:والله يا عمي ابو انور بفكر اغير المصلحة ،يعني الوقفة على صاج الفلافل بطلت تشبع غروري !!
ابو انور السكع وقد اطلق ابتسامة خريفية تخللها حديث داخلي لم يطلع عليه احد
: وشو بدك تشتغل يا عمي يا مسعود هو انتا معك شهادة والا صنعة غير هاي ما انتا يا دوب بتفك الخط !!؟
:والله مش عارف عمي ابو انور بدي افكر بشغل جديدة، بطلت اتحمل ريحة الفلافل حاسس انه مستقبلي بضيع !!
ابو انور برم شاربه غير المنتظم وبدا بحك ذقنه الحليقه ثم لمعت عيناه وقال كانما سقطت عليه تفاحة نيوتن
: شو رايك تشتغل نجار ،النجارة ما بدها هالخبرة ومعو معو بتتعلم ؟
:لا الله يخليك نجارين البلد مش لاقين شغل والخشب غالي والضرايب ذابحتهم
حك ابو انور راسه وهو ينظر الى الجهة المقابلة حيث محل ابو سلامة للالبسة
:شو رايك تفتح محل البسة شوف ابو سلامة من الصبح محله مليان زباين ؟
:لا يا عمي فال الله ولا فالك هاي بدها خبرة وموديلات وشتوي وصيفي ما بتزبطلي انا
وضع ابو انور يديه على خصره وبدا يحرك عينيه وفجاة
: شو رايك تفتح قهوة
:لا
طيب تبيع معسل
:لا
: طيب حداد
:لا
طيب تبيع خضرة على التراكتور
:لا
وبعدد نفاذ الخيارات ابتسم ابو انور حتى بانت اسنان الصفراء وطواحينه المكسورة وقال وهو يتناول كيس الفلافل :
انا عندي الك شغلة ممتازة ،مناسبة بدهاش ناس فهمانة ، وسهلة بدهاش تعب ،مجانية بدهاش راس مال ، وبتعملك قيمة بين الناس،وبتخليك مشهور ، وبتصير تقعد مع القيادات والافراد ،وبتتفتش عنك الجهات الداعمة والراعية ، وبتكون رجل المرحلة !!
مسعود متلهفا وقد سالت لعابه على صاج الزيت
: شو هالشغله هاي الي بدور عليها؟؟!!
:ناشط اجتماعي
