حُبّ عَ الطَرِيكَة الفَلَسطِينيِّةْ
******************
خُرَّفِيّة من أربع مشاهِدْ
(أبطالها خليل وعايشة وأنا)
المشهد الأوَّل :
-وحياةْ تراباتْ أبُويْ في كَبرُهْ إنِّي بحبِّكْ!٠
-وَلَا ليْكونْ كاعِدْ تِكذِبْ علَيِّ؟!٠٠
-ولِكْ ياهَبْلَة ، بِدكِيشْ تِعكَلِي ٠٠٠٠إنشالله الدُّودْ يخَزِّكْ عِنَيِّي التِّنتينْ إزا بَزِلّ عَليكي بِحَرْف أو كِلمةْ!٠٠٠
- بعيدْ عنَّكَ خيَّا ٠٠٠ بَسْ طَبْ أنا شُو بِدَرِّينِي ها؟!٠٠٠
-شُو ، شو بيدَرِّيكِي؟!٠٠٠ يَعني أَطُخْ حالي مْشانْ تْسَدْكِينِي ٠٠٠يلَّلا وخلِّيكي تِتْرَمَّلي إنشالله بَعْدي٠٠منيح هيك؟!٠٠
-العَمَى ما أتْيسَكْ ، وبتظَلْ وَلَدْ٠٠٠ولَكْ إنْ كَتلِتْ حَالَكْ ، واللهِ وأنا كمَانْ بَزِتْ حَالِي في البِيرْ!٠٠٠
- وبَعْدينْ مع سَمَاكي ،جنَّنتِيني ، طَيِّب مِنْشانْ تْسَدْكِينِي ، رحْ أظْرُبْ هَاظَا اللُّوحْ ''مسعَد'' ،اللي عَاملِّي فِيها كَبَظَاي بالحَارة ، واللِّي بدُّو يصِيرْ خلِّيه يصِيرْ ٠٠٠يا بَسْتَشهِدْ وبتِرْتَاحِي منِّي ، يا بَتْجوَّزِك!٠٠٠
-ولَكْ خلَصْ وأنا بدِّي إيَّاك عَ سنِّة الله ورسوله٠٠٠
(بس هو طَنْبَرْ[يعني زِعِل و تَيَّسْ] ومِشِي مِن غير ما يسمعها شو كَالَتْ)٠٠٠٠٠
المشهد الثاني :
تاني يومْ , العُشَّاكْ بيتْلاكُو ، من جديد، عَ السُّطُحْ٠٠٠
-آااخْ ،آخْ٠٠٠٠شُو ألله بَلانِي فِيهْ هَاظَا اللوحْ ''مسعد'' ؟!٠٠ يخْربْ بيتُو ، ما سَدَّكْ على ألله ، إنُّو لاقَى شِي حَدا يتسلَّى فيه ٠٠٠آااخ لو إنِّك شوفْتِيه كِيفْ كانْ يِلْعبْ فيني مِتِل طَابِةْ الفَطْبول٠٠آخ يا يَمَّه٠٠مْنِيحْ هيكْ ؟ ، إنبسَطِّي؟٠٠٠سَدَّكْتِيني هَسَّا؟!٠٠٠
- ولَكْ يا مْشحَّرْ مِينْ اللِّي عِملْ فِيك هيكْ؟٠٠٠
-هسَّا ، يا مَلْعونْ أبُوكِي ، عَامْلِة حَالِك غَشِيمةْ ، مَهَو كُلّو مِنْشَانكْ ومِنْ تِحتْ رَاسِكْ!٠٠
- مَلعُونْ أبُوهْ إلِّلي عِملْ فِيكْ هيكْ وَلْ! ،أنا هُونْ وهيكْ بيصِيرْ فِيكْ٠٠٠والله لأَفَصفِصْ عْظَامو٠٠بس كُولِّي وينْ أراظِيهْ؟!٠٠٠
-لا بدِّي أكُولِّك ولا تكُولِيلِي ، بدِّك إياني؟٠٠٠ ويلَّلا أروحْ أطَّابَشْ مع أبُو طَافِشْ؟!٠٠٠
- يا بَيِّي ما أزْنَخْ عَكْلاتَكْ٠٠يا زلمة ، ولَكْ إنتِي كِنُّو طَالِعلَكْ ، بَدَالْ المُخْ ،عَضلاتْ، بِراسَكْ؟!٠٠ خَلصْ متِلْ ما بدَّكْ أنا موافْكَة ، بَس مِشْ تْصيرْ تُظربْنِي ، بس أهْلِي يِعْطُونِي إِلَكْ؟!٠٠٠
-فشَرْ إللي بدُّو يمِدْ إيدُو عَليكِي ، والله بَكْسِرْلو إيَّاها ، حتَّى ولوْ كَانتْ إيدِي!٠٠٠ريتْها تِنْطِبِشْ وما تِتْجَبَّرْ إنشالله!٠٠
- ولَكْ هالكَدْ بِتْحبْنِي ، خلصْ لَعَادْ ، روحْ هَندِزلِي حَالَكْ ، تْحمَّمْ وتعطَّرْ وإحْلِكْ لِحِيْتَكْ ومَشِّطْ شَعرَاتك-غُسْ بالَكْ عَ هالشِكِلْ-!٠٠ وجِيبْ أهْلَكْ وتعالو عنَّا إنتِ والجَّاهَة تَا تُخطبُونِي وكُولْ لأبوك يفِكْ إيدُو شويَّة وإمَّكْ تِفرِدْ كَشرِتْها٠٠تَرَى أنا غَالْيِّة ومَهْري غَالِي!٠٠
- إسْمَعي , يا بنتِ الناسْ , هَاظا أبويْ هوِّ عَمِّك وإمِّي مَرتْ عَمِّك واللِّي بدِّك إيّاه بالمْسَايسِة بِيصِيرْ٠٠٠مُو بالعْنَادِة والتَّياسِة٠٠٠٠ وأنَا إلِي شَرطْ واحَدْ٠٠٠ بدِّي تْجِيبِي لِي عُرّ ولادْ ; أربَعْ صُبيَانْ وبِنتينْ حِلواتْ زيَّكْ ويلَّلا عَليِ الطَلاقْ٠٠٠٠٠
-هييْ هييْ ، أَي طوِّلْ بَالَك ، وَلْ عَليكْ هيكْ مِنْ أوَّلْها٠٠٠يَعني صَارْ لَـ الخَ٠٠٠مَرَةْ وصَارْ يحلِفْ عليها بالطلاق٠٠٠كَطَعْتِلِّي نِفْسِي٠٠٠ إسمعْ وَلَهْ ; هايْ المَلافِظْ بِدِّيشْ أسْمَعْها مِنَّكْ ويلَّلا مْنُفرُطْها مِنْ الأوَّلْ هَهْ٠٠٠هَيَّاتو ''صبحي'' بيِستنَّى وكَاتِلْ حَالو علَيِّ٠٠٠مْوافكْ ويلَّلا لَعْ!٠
-موافِكْ ،بس هَاظا السَّمِ الهَاري ''صبحي'' ، بدِّيش أسْمَعْ إسْمُو٠٠٠ واللهِ العظيم ، مِنْ بُكْرا بَرُوحْ بَخلِّصْ عَلِيه٠٠٠
-وَكْ ، والله بتظلَّكْ تيسْ ، بَسْ مُو الحَقْ عَليكْ ، مَهُو أنا كَمانْ تيسِهْ و أتْيَسْ منَّكْ كَمانْ لإنِّي حَبِّيتَكْ٠٠يِلْعَنُو كَلْبْ هَاظا ''صبحي'' الطَّبِلْ٠٠٠هَاظَا بينْحَبْ يا زلَمِةْ ؟؟ أزنخْ منْ دَمُّو مَا فِي! ٠٠٠٠بَسْ أنَا حبِّيتْ أشُوفْ كَدِّيش بِتغارْ علَيِّ٠٠٠اللهْ يسترْ ولادْنا لَـ مِينْ بِدْهُم يِطْلُعو؟!٠٠٠اللهْ يُستُرْ٠٠٠واللهِ المَكتوبْ بايِنتُو مْبَيِّن منْ عِنْوَانُو٠٠٠
-طيِّبْ خَلَصْ يا هبُّولْ، كُولِي لأهلِكْ يومْ الجُمعة ، بعدْ صَلاة الظُّهُرْ يِستنُّونُا٠٠٠ زَبطِي الكَهْواتْ وكَثْرُوا الحِلوَياتْ ومِنْ عِندْ [حِلوياتْ مْهنَّا] هَهْ مُو تْغشُّونا!٠٠٠
المشهد الثالث :
وهيكْ صَارْ ، ياجَمَاعةْ الخِيرْ ، وتْجوَّزوا ''خليل'' و ''عايشة'' ، وعَبُّوا ، بعِدْ كَمْ سِنِة البيتْ بأربَعْ سخُولْ وعَنِزتينْ!٠٠٠ حسب إتِفاقْ العَرُوسينْ٠٠٠ وعَاشوا في ثَباتْ ونَباتْ!٠٠٠
والله يبارك بالِّلي جَمَعْ بين تِيسينْ ,عفواً كَصْدي بين راسينْ, عَ مَخدِّة وَحَدِةْ٠٠٠يامَحلا الحُبْ لما يولِّعْ حَريكَة بينْ قَلبينْ!٠٠٠٠طَعْمو حِلو زيِّ العَسلْ٠٠٠
واللي ما ذَاكو/زَيّ ما كَالُوا/ ، راحَتْ عَليهْ ، يا كْشِيلِي، حَيَاتو/ وفي روايةٍ أُخرى يا وَرَدِي عَليهْ/٠٠٠٠كَطِيعَه شو إنّو الحُبْ حِلوْ٠٠٠بَسْ ياريتُو عَ طُولْ يظلْ هيكْ حِلو!٠٠
المشهد الرابع :
شُو بعدكُم كَاعْدين مِستَنيينْ ،خِلْصَتْ الحْكَايِّة! ، صَلُّوا عَ النَّبِي العَدنانْ وإمسَحوا وجُوهكُمْ بالرَّحمنْ وإتِّكْلوا عَليهْ٠٠٠ ومنِّي إلْكو ألفْ حِمِلْ سَلامْ ، الله يهَدِّي بالْكو وتِصبَحوا على ألفْ خيرْ وتِتْدَركَموا فِيهْ وتْلاكُوه إنْ شالله٠٠٠
لاتآخذونَا ، أخَذْنا الحَكِي و طوَّلْنَا عليكو السِّيرةْ٠٠
د٠محمد طرزان العيق
صوفيا /07.02.2014
******************
خُرَّفِيّة من أربع مشاهِدْ
(أبطالها خليل وعايشة وأنا)
المشهد الأوَّل :
-وحياةْ تراباتْ أبُويْ في كَبرُهْ إنِّي بحبِّكْ!٠
-وَلَا ليْكونْ كاعِدْ تِكذِبْ علَيِّ؟!٠٠
-ولِكْ ياهَبْلَة ، بِدكِيشْ تِعكَلِي ٠٠٠٠إنشالله الدُّودْ يخَزِّكْ عِنَيِّي التِّنتينْ إزا بَزِلّ عَليكي بِحَرْف أو كِلمةْ!٠٠٠
- بعيدْ عنَّكَ خيَّا ٠٠٠ بَسْ طَبْ أنا شُو بِدَرِّينِي ها؟!٠٠٠
-شُو ، شو بيدَرِّيكِي؟!٠٠٠ يَعني أَطُخْ حالي مْشانْ تْسَدْكِينِي ٠٠٠يلَّلا وخلِّيكي تِتْرَمَّلي إنشالله بَعْدي٠٠منيح هيك؟!٠٠
-العَمَى ما أتْيسَكْ ، وبتظَلْ وَلَدْ٠٠٠ولَكْ إنْ كَتلِتْ حَالَكْ ، واللهِ وأنا كمَانْ بَزِتْ حَالِي في البِيرْ!٠٠٠
- وبَعْدينْ مع سَمَاكي ،جنَّنتِيني ، طَيِّب مِنْشانْ تْسَدْكِينِي ، رحْ أظْرُبْ هَاظَا اللُّوحْ ''مسعَد'' ،اللي عَاملِّي فِيها كَبَظَاي بالحَارة ، واللِّي بدُّو يصِيرْ خلِّيه يصِيرْ ٠٠٠يا بَسْتَشهِدْ وبتِرْتَاحِي منِّي ، يا بَتْجوَّزِك!٠٠٠
-ولَكْ خلَصْ وأنا بدِّي إيَّاك عَ سنِّة الله ورسوله٠٠٠
(بس هو طَنْبَرْ[يعني زِعِل و تَيَّسْ] ومِشِي مِن غير ما يسمعها شو كَالَتْ)٠٠٠٠٠
المشهد الثاني :
تاني يومْ , العُشَّاكْ بيتْلاكُو ، من جديد، عَ السُّطُحْ٠٠٠
-آااخْ ،آخْ٠٠٠٠شُو ألله بَلانِي فِيهْ هَاظَا اللوحْ ''مسعد'' ؟!٠٠ يخْربْ بيتُو ، ما سَدَّكْ على ألله ، إنُّو لاقَى شِي حَدا يتسلَّى فيه ٠٠٠آااخ لو إنِّك شوفْتِيه كِيفْ كانْ يِلْعبْ فيني مِتِل طَابِةْ الفَطْبول٠٠آخ يا يَمَّه٠٠مْنِيحْ هيكْ ؟ ، إنبسَطِّي؟٠٠٠سَدَّكْتِيني هَسَّا؟!٠٠٠
- ولَكْ يا مْشحَّرْ مِينْ اللِّي عِملْ فِيك هيكْ؟٠٠٠
-هسَّا ، يا مَلْعونْ أبُوكِي ، عَامْلِة حَالِك غَشِيمةْ ، مَهَو كُلّو مِنْشَانكْ ومِنْ تِحتْ رَاسِكْ!٠٠
- مَلعُونْ أبُوهْ إلِّلي عِملْ فِيكْ هيكْ وَلْ! ،أنا هُونْ وهيكْ بيصِيرْ فِيكْ٠٠٠والله لأَفَصفِصْ عْظَامو٠٠بس كُولِّي وينْ أراظِيهْ؟!٠٠٠
-لا بدِّي أكُولِّك ولا تكُولِيلِي ، بدِّك إياني؟٠٠٠ ويلَّلا أروحْ أطَّابَشْ مع أبُو طَافِشْ؟!٠٠٠
- يا بَيِّي ما أزْنَخْ عَكْلاتَكْ٠٠يا زلمة ، ولَكْ إنتِي كِنُّو طَالِعلَكْ ، بَدَالْ المُخْ ،عَضلاتْ، بِراسَكْ؟!٠٠ خَلصْ متِلْ ما بدَّكْ أنا موافْكَة ، بَس مِشْ تْصيرْ تُظربْنِي ، بس أهْلِي يِعْطُونِي إِلَكْ؟!٠٠٠
-فشَرْ إللي بدُّو يمِدْ إيدُو عَليكِي ، والله بَكْسِرْلو إيَّاها ، حتَّى ولوْ كَانتْ إيدِي!٠٠٠ريتْها تِنْطِبِشْ وما تِتْجَبَّرْ إنشالله!٠٠
- ولَكْ هالكَدْ بِتْحبْنِي ، خلصْ لَعَادْ ، روحْ هَندِزلِي حَالَكْ ، تْحمَّمْ وتعطَّرْ وإحْلِكْ لِحِيْتَكْ ومَشِّطْ شَعرَاتك-غُسْ بالَكْ عَ هالشِكِلْ-!٠٠ وجِيبْ أهْلَكْ وتعالو عنَّا إنتِ والجَّاهَة تَا تُخطبُونِي وكُولْ لأبوك يفِكْ إيدُو شويَّة وإمَّكْ تِفرِدْ كَشرِتْها٠٠تَرَى أنا غَالْيِّة ومَهْري غَالِي!٠٠
- إسْمَعي , يا بنتِ الناسْ , هَاظا أبويْ هوِّ عَمِّك وإمِّي مَرتْ عَمِّك واللِّي بدِّك إيّاه بالمْسَايسِة بِيصِيرْ٠٠٠مُو بالعْنَادِة والتَّياسِة٠٠٠٠ وأنَا إلِي شَرطْ واحَدْ٠٠٠ بدِّي تْجِيبِي لِي عُرّ ولادْ ; أربَعْ صُبيَانْ وبِنتينْ حِلواتْ زيَّكْ ويلَّلا عَليِ الطَلاقْ٠٠٠٠٠
-هييْ هييْ ، أَي طوِّلْ بَالَك ، وَلْ عَليكْ هيكْ مِنْ أوَّلْها٠٠٠يَعني صَارْ لَـ الخَ٠٠٠مَرَةْ وصَارْ يحلِفْ عليها بالطلاق٠٠٠كَطَعْتِلِّي نِفْسِي٠٠٠ إسمعْ وَلَهْ ; هايْ المَلافِظْ بِدِّيشْ أسْمَعْها مِنَّكْ ويلَّلا مْنُفرُطْها مِنْ الأوَّلْ هَهْ٠٠٠هَيَّاتو ''صبحي'' بيِستنَّى وكَاتِلْ حَالو علَيِّ٠٠٠مْوافكْ ويلَّلا لَعْ!٠
-موافِكْ ،بس هَاظا السَّمِ الهَاري ''صبحي'' ، بدِّيش أسْمَعْ إسْمُو٠٠٠ واللهِ العظيم ، مِنْ بُكْرا بَرُوحْ بَخلِّصْ عَلِيه٠٠٠
-وَكْ ، والله بتظلَّكْ تيسْ ، بَسْ مُو الحَقْ عَليكْ ، مَهُو أنا كَمانْ تيسِهْ و أتْيَسْ منَّكْ كَمانْ لإنِّي حَبِّيتَكْ٠٠يِلْعَنُو كَلْبْ هَاظا ''صبحي'' الطَّبِلْ٠٠٠هَاظَا بينْحَبْ يا زلَمِةْ ؟؟ أزنخْ منْ دَمُّو مَا فِي! ٠٠٠٠بَسْ أنَا حبِّيتْ أشُوفْ كَدِّيش بِتغارْ علَيِّ٠٠٠اللهْ يسترْ ولادْنا لَـ مِينْ بِدْهُم يِطْلُعو؟!٠٠٠اللهْ يُستُرْ٠٠٠واللهِ المَكتوبْ بايِنتُو مْبَيِّن منْ عِنْوَانُو٠٠٠
-طيِّبْ خَلَصْ يا هبُّولْ، كُولِي لأهلِكْ يومْ الجُمعة ، بعدْ صَلاة الظُّهُرْ يِستنُّونُا٠٠٠ زَبطِي الكَهْواتْ وكَثْرُوا الحِلوَياتْ ومِنْ عِندْ [حِلوياتْ مْهنَّا] هَهْ مُو تْغشُّونا!٠٠٠
المشهد الثالث :
وهيكْ صَارْ ، ياجَمَاعةْ الخِيرْ ، وتْجوَّزوا ''خليل'' و ''عايشة'' ، وعَبُّوا ، بعِدْ كَمْ سِنِة البيتْ بأربَعْ سخُولْ وعَنِزتينْ!٠٠٠ حسب إتِفاقْ العَرُوسينْ٠٠٠ وعَاشوا في ثَباتْ ونَباتْ!٠٠٠
والله يبارك بالِّلي جَمَعْ بين تِيسينْ ,عفواً كَصْدي بين راسينْ, عَ مَخدِّة وَحَدِةْ٠٠٠يامَحلا الحُبْ لما يولِّعْ حَريكَة بينْ قَلبينْ!٠٠٠٠طَعْمو حِلو زيِّ العَسلْ٠٠٠
واللي ما ذَاكو/زَيّ ما كَالُوا/ ، راحَتْ عَليهْ ، يا كْشِيلِي، حَيَاتو/ وفي روايةٍ أُخرى يا وَرَدِي عَليهْ/٠٠٠٠كَطِيعَه شو إنّو الحُبْ حِلوْ٠٠٠بَسْ ياريتُو عَ طُولْ يظلْ هيكْ حِلو!٠٠
المشهد الرابع :
شُو بعدكُم كَاعْدين مِستَنيينْ ،خِلْصَتْ الحْكَايِّة! ، صَلُّوا عَ النَّبِي العَدنانْ وإمسَحوا وجُوهكُمْ بالرَّحمنْ وإتِّكْلوا عَليهْ٠٠٠ ومنِّي إلْكو ألفْ حِمِلْ سَلامْ ، الله يهَدِّي بالْكو وتِصبَحوا على ألفْ خيرْ وتِتْدَركَموا فِيهْ وتْلاكُوه إنْ شالله٠٠٠
لاتآخذونَا ، أخَذْنا الحَكِي و طوَّلْنَا عليكو السِّيرةْ٠٠
د٠محمد طرزان العيق
صوفيا /07.02.2014
