مصري محلك سر
السيد إبراهيم أحمد
قولي مين ع الساحة فاهم والشارع خناقات وشتايم
واللي بيلم ف غنــــايم واللي لسه ف حلمه هايم
واللي نايم لسه نــايم والبـــلاوي فتتتـــــــــــني
الطابور بختم مبـارك كأنك يامبارك في دارك
مين يامصري يحس نارك مرة رحمك ولا جـــارك
لا حكومتك ولا حتى جارك مد إيده مرة غاتـــــــني
الخضار في السوق مولع ولأنابيب ماشية بتتدلع
البنزين طفشان ومقلع والسولار مسروق ومفلسع
والجوع من بطني ماتعتع ويالثورة معايا مافاتنــي
برلماني قول رئـاسي ولا العكس ده الأساسي
ولادستور ع المقاسي ولا الفلول المآســـــي
ياعالم كفاياكو راسي دي البرامج جنــــــنتني
البيه رأيه ف التوكشو ومعاه الناشطة نانـــــــــو
ومين ع الخط معانا ألو والطرف التاني خلوه
لو بيضيع الخط هاتوه ولاحدش في مرة سألني
أنا مصري داير ف مكاني شعاراتكم ع لغيم وخداني
أحلامي إني أبقى ياباني ياماليزي لأ مش أفغاني
وشهيدنا من قبره ناداني ثورتنــا اتسرقت صدقني
السيد إبراهيم أحمد
قولي مين ع الساحة فاهم والشارع خناقات وشتايم
واللي بيلم ف غنــــايم واللي لسه ف حلمه هايم
واللي نايم لسه نــايم والبـــلاوي فتتتـــــــــــني
الطابور بختم مبـارك كأنك يامبارك في دارك
مين يامصري يحس نارك مرة رحمك ولا جـــارك
لا حكومتك ولا حتى جارك مد إيده مرة غاتـــــــني
الخضار في السوق مولع ولأنابيب ماشية بتتدلع
البنزين طفشان ومقلع والسولار مسروق ومفلسع
والجوع من بطني ماتعتع ويالثورة معايا مافاتنــي
برلماني قول رئـاسي ولا العكس ده الأساسي
ولادستور ع المقاسي ولا الفلول المآســـــي
ياعالم كفاياكو راسي دي البرامج جنــــــنتني
البيه رأيه ف التوكشو ومعاه الناشطة نانـــــــــو
ومين ع الخط معانا ألو والطرف التاني خلوه
لو بيضيع الخط هاتوه ولاحدش في مرة سألني
أنا مصري داير ف مكاني شعاراتكم ع لغيم وخداني
أحلامي إني أبقى ياباني ياماليزي لأ مش أفغاني
وشهيدنا من قبره ناداني ثورتنــا اتسرقت صدقني