ألف سجدة للشاعر سيد البالوي

يا حروف الشعر هلي
مجروح والقلب عاشق

والحلم اللى فاضلي
لسه ف الوحل راشق

شايل قلمي ف كفني
يمكن القى القصيدة

أو تلقى الدنيا سكني
وسط حمير الزريبه

خايف لبنك يا أمي
عن بكرة يفطموه

وبزيد عطشك لدمي
لو غيرك يشربوه

خلعت الحرة توبها
واتخطفها الكلاب

كان نفسي تنوى توبها
قبل خليط الانساب

لا المركب لسه غارقه
ولا طيري طار جناحه

دا أنا صرخة الف سجدة
ف سبيل الفجر راحوا

قلم /سيد البالوي