بقلم الأستاذ: خالد علي أحمد الطبلاوي
قعدت أقلب بعيني في طبــــــــاع النــــاس
فيه ناس رقيقة وناس معدومة الإحساس
وناس عجيبة معاها من الشيطان توكيل
وناس بترقص وتتنطط ولا النســـــــناس
فيه ناس تشوفك في أزمة تشيل معاك الهم
وناس تطــنش ولا تســــــأل ولا تهـــــتــــم
وصنف تالت ورب العـــــرش ما يبليــــــــك
طباعه مره يزيدك بعـــــــد همــــــك غـــــم
فيه ناس تعاملك بواحدة تكون قصاد واحدة
في الخير وفي الشــــر بتدقق على الواحدة
وناس جميــــلة بتتســـــــاهل وناس تانيين
غيتها في العيشـــــة بغض وهجر ومناهدة
فيه ناس بتغــلط وبعـــــد شـــــوية تتأسف
وناس تحـــــاذر من الغــلطـــة وتتكــلــــف
وناس كما النسمة بسم الله ما شـــــاء الله
وصــــــــنف غــــلاط ولو حقيته يتأفــــف
فيه ناس بتهــــدم وناس في صمتهــــا تعمر
ونـــــاس بتهتـــف ولا تبنــــي ولا تدمـــــــر
وخلق تايهـــــة ما تعــــرف هيَّ عايشة لإيه
وصنف تلقــــــى العــــبط على وشه متسطر
لو يوم سألت الســــــفيه هيَّ الحكاية إيه ؟
ينسى الحقيقة ويحكــــي ع اللي نفسه فيه
ويحســســـــــك بالجليد والحر كابس موت
واللي يصــــــــدق يجوز اللي بيجرى عليه
الناس طبـــــــايع ليوم الحشــــــر مختلفين
فيه ناس بتربط شمـــــال علشان تحل يمين
وناس لا بتحــــل ولا تربـــــــط وزي الطين
وناس تداوي جـــــــراح أمة وناس ملاعين
فيه ناس بتتمنى لو تاخــــــــدك على سهوة
تحســــب عليك النظــــــــر والكلمة والهفوة
وناس تسامح بقلب يســــــــاع جميع الكون
وناس تبيعـــــــــك بقعـــــدة بيرة أو عشوة
ما تقولش أعرف فلان ما دمت ما عشرتوش
واوعــــــــاك يغرك كــــلام ولا زواق ورتوش
وعامله بالقرش أو ســـــــــــافر معـــــاه لبعيد
هيبان لعينك وتقرا اللي انت ما عــــــــرفتوش
لو يوم صاحبت الخسيس هتعــــــــرك الصحبة
وتغوص في خســــــــة وندالة يحصـلوا الركبة
فتــش ودور ما بين النــــاس عــن الألمـــــاس
فيه ناس معادن وناس تحلف تقـــــــــول شربة
شارك جـــــــيرانك ولا تحـــــوط على خــــيرك
وإن طمعـــــــــــــوا فيك مرحبا إدبح لهم طيرك
واوعـــــاك تحس بسعـــــــادة لو في يوم ملُّوك
ومـــــدوا بــره وحــــــس بهمهم غــــــــــــيرك
حــــسن المعــــاملة مع العــالم دي أحلى رصيد
حــــافظ عــليه هتلاقيه في كـــــل يوم بيزيــــــد
هتكــــــون شريكهـــــم وتتمتـــــع بأمــــــــوالهم
أما إن سحبت الرصيد هتعيش يا حســـــرة وحيد
ريح دمــــاغك ولا محاســــــبة ولا غــــيره
كتر المعـــــاتبة تعكـــــــر في الصديق خيره
أما اللي قـــــال المـــــودة تتروي بعـــــــتاب
زي اللي شم بعنيه أو شــــــاف بمناخـــيره
يا بنت يللي فجـــــرتي وقلتي انــا حـــــــرة
انســــــي غباوتك لا تبقى أخــــرتك مــــرة
وفكــــــري لو وقعتي تحـــــت رحــــمة ديب
ساعــــــتها تلقـــي الندم مـــا يفيدش بالمرة
اللي في نفسه غضـــــــاضة يقوم يقولها لي
هسمــعها حســـــبة لربــــي وبأدب عــــــالي
يمكــــــن لو اصبــــر على غيري ولو غلطان
يصـــــبر عليَّ الكــــــــريم أو ينصلح حــــالي
أكبر حقيقة تشـــــــوفها في الحــــــــــياة الموت
والموت ساعات يختصر ويكون في شكل سكوت
فيه ناس في دنيا البشر محســـــــوبة ع الأحياء
لكــــنها للأســـــف من صــمــــتهــــا في تابوت
اوعاك تجرَّح في شخـــــــص لأنه بينافســــك
وتجـــــرده من الفضيلة ترضــــي بيه نفـســك
خليــــــــك نزيــه لو عــــدوك قل أدبه معــــاك
هتعـــــمل ايه للحمـــــــار لو حتى كان رافسك
الحكمة مالها نهـــاية اوعى تستكــــــــــــفى
واشربها من كــــــف ناس على نهرها عاكفه
واصرف نظر عن بشـــــر لا حكمة ولا أخلاق
مالهم رصيد في الحياة غير جهــــــل ومناكفة
المصدر
http://www.manaratweb.com/news.php?newsid=6180
قعدت أقلب بعيني في طبــــــــاع النــــاس
فيه ناس رقيقة وناس معدومة الإحساس
وناس عجيبة معاها من الشيطان توكيل
وناس بترقص وتتنطط ولا النســـــــناس
فيه ناس تشوفك في أزمة تشيل معاك الهم
وناس تطــنش ولا تســــــأل ولا تهـــــتــــم
وصنف تالت ورب العـــــرش ما يبليــــــــك
طباعه مره يزيدك بعـــــــد همــــــك غـــــم
فيه ناس تعاملك بواحدة تكون قصاد واحدة
في الخير وفي الشــــر بتدقق على الواحدة
وناس جميــــلة بتتســـــــاهل وناس تانيين
غيتها في العيشـــــة بغض وهجر ومناهدة
فيه ناس بتغــلط وبعـــــد شـــــوية تتأسف
وناس تحـــــاذر من الغــلطـــة وتتكــلــــف
وناس كما النسمة بسم الله ما شـــــاء الله
وصــــــــنف غــــلاط ولو حقيته يتأفــــف
فيه ناس بتهــــدم وناس في صمتهــــا تعمر
ونـــــاس بتهتـــف ولا تبنــــي ولا تدمـــــــر
وخلق تايهـــــة ما تعــــرف هيَّ عايشة لإيه
وصنف تلقــــــى العــــبط على وشه متسطر
لو يوم سألت الســــــفيه هيَّ الحكاية إيه ؟
ينسى الحقيقة ويحكــــي ع اللي نفسه فيه
ويحســســـــــك بالجليد والحر كابس موت
واللي يصــــــــدق يجوز اللي بيجرى عليه
الناس طبـــــــايع ليوم الحشــــــر مختلفين
فيه ناس بتربط شمـــــال علشان تحل يمين
وناس لا بتحــــل ولا تربـــــــط وزي الطين
وناس تداوي جـــــــراح أمة وناس ملاعين
فيه ناس بتتمنى لو تاخــــــــدك على سهوة
تحســــب عليك النظــــــــر والكلمة والهفوة
وناس تسامح بقلب يســــــــاع جميع الكون
وناس تبيعـــــــــك بقعـــــدة بيرة أو عشوة
ما تقولش أعرف فلان ما دمت ما عشرتوش
واوعــــــــاك يغرك كــــلام ولا زواق ورتوش
وعامله بالقرش أو ســـــــــــافر معـــــاه لبعيد
هيبان لعينك وتقرا اللي انت ما عــــــــرفتوش
لو يوم صاحبت الخسيس هتعــــــــرك الصحبة
وتغوص في خســــــــة وندالة يحصـلوا الركبة
فتــش ودور ما بين النــــاس عــن الألمـــــاس
فيه ناس معادن وناس تحلف تقـــــــــول شربة
شارك جـــــــيرانك ولا تحـــــوط على خــــيرك
وإن طمعـــــــــــــوا فيك مرحبا إدبح لهم طيرك
واوعـــــاك تحس بسعـــــــادة لو في يوم ملُّوك
ومـــــدوا بــره وحــــــس بهمهم غــــــــــــيرك
حــــسن المعــــاملة مع العــالم دي أحلى رصيد
حــــافظ عــليه هتلاقيه في كـــــل يوم بيزيــــــد
هتكــــــون شريكهـــــم وتتمتـــــع بأمــــــــوالهم
أما إن سحبت الرصيد هتعيش يا حســـــرة وحيد
ريح دمــــاغك ولا محاســــــبة ولا غــــيره
كتر المعـــــاتبة تعكـــــــر في الصديق خيره
أما اللي قـــــال المـــــودة تتروي بعـــــــتاب
زي اللي شم بعنيه أو شــــــاف بمناخـــيره
يا بنت يللي فجـــــرتي وقلتي انــا حـــــــرة
انســــــي غباوتك لا تبقى أخــــرتك مــــرة
وفكــــــري لو وقعتي تحـــــت رحــــمة ديب
ساعــــــتها تلقـــي الندم مـــا يفيدش بالمرة
اللي في نفسه غضـــــــاضة يقوم يقولها لي
هسمــعها حســـــبة لربــــي وبأدب عــــــالي
يمكــــــن لو اصبــــر على غيري ولو غلطان
يصـــــبر عليَّ الكــــــــريم أو ينصلح حــــالي
أكبر حقيقة تشـــــــوفها في الحــــــــــياة الموت
والموت ساعات يختصر ويكون في شكل سكوت
فيه ناس في دنيا البشر محســـــــوبة ع الأحياء
لكــــنها للأســـــف من صــمــــتهــــا في تابوت
اوعاك تجرَّح في شخـــــــص لأنه بينافســــك
وتجـــــرده من الفضيلة ترضــــي بيه نفـســك
خليــــــــك نزيــه لو عــــدوك قل أدبه معــــاك
هتعـــــمل ايه للحمـــــــار لو حتى كان رافسك
الحكمة مالها نهـــاية اوعى تستكــــــــــــفى
واشربها من كــــــف ناس على نهرها عاكفه
واصرف نظر عن بشـــــر لا حكمة ولا أخلاق
مالهم رصيد في الحياة غير جهــــــل ومناكفة
المصدر
http://www.manaratweb.com/news.php?newsid=6180
