هانت يا مصر.. للشاعر المصرى سمير احمد القط

ارفعى قامتك شوية ..
جه ميلادك من جديد
واجعلى نفسك عافية ..
خلى مجدك يبقى عيد
انت محروسة وصبية
حارسك المولى أكيد
فى الكتاب كنت جليه
ذكر واضح م المجيد
امحى دمعك ..يابهية
وامسكى بإيدك صباحك
انت محروسة ..وقوية
والشهيد ..نور فلاحك
اجعلى حقك ....مدية
بالعزيمة خليه نجاحك
مهما راح منك شوية
انت ولادة ....برماحك
يجعلوا منك ...قوية
ويرسموا نورك مضاحك
وامحى دمعك من عنيه
اكتبى بسمة صباحك
هما رايحين وانت جاية
شمس هاله بقلب ضاحك