تتنسى بقلم الشاعر حسام العقدة

تتنسى ... زى اللى قبلك ما تْنسى

ميت نهار ضايعين على إيدين المسا

ضيعى بعدى وانسى وعدى

واللى فات لميه فى بعدى

شوفى لما الحلم يتحول أسى

****

الحكاية للنهايه ما تتحكى

لو عرفتى إزاى عرفتك تضحكى

مش زمانا مش مكانا

هيه قصة حد غيرنا

بس بالصدفه البدايه كانت لكى

****

انتى قولتى عليا طفل ف دنيتى

جه أوان دلوقتى أكسر لعبتى

وبإيديا ... الهديه

مش مهم مين جابها ليه

المهم تعود لى تانى ضحكتى .