ألو... أزيك يابنى...عامل ايه فى غربتك...عايزك تدعى لنا نعدى من المحنة بسلام....لاحسن الواحد مابقاش عارف يعمل ايه ولا يختار مين...واهو كل شوية برأى....اقعد مع جوز خالتك يقنعنى باختيار شفيق... اقول خلاص شفيق...واروح لعمتك تقنعنى بمزايا مرسى... اقول خلاص مرسى...وانا راجع اقابل جارنا اللى يقول لى اختار شفيق ياراجل... اقول خلاص شفيق ....وبعدين اطلع البيت ألاقيهم جايبين برنامج كيف تختار مرسى.. اقول خلاص مرسى...اقلب القناة القى برنامج مستضيف واحد بيشجب مرسى وبيأيد شفيق... اقول خلاص شفيق ...اقول لاخوك افتح لى البتاع ده اللى بيقولوا عليه فيس بوك ...ألاقى واحد بيشكر قوى فى شفيق وفى السطر اللى بعده الاقي واحد تانى بيحذر من شفيق وبيقول مفيش غير مرسى...ادخل انام وانا مقهور من كتر الحيرة والتفكير... اختار مين... ده انا اصلا ما كنتش عايز ده ولا ده ...ولما ألاقى ضغطى ارتفع افتكر انى لو مت ماحدش حيأخد باله من اخواتك.. ولا ده ولا ده...اصل اللى بيقعد على الكرسى بينسى حتى نفسه...اروح على طول واخد قرص الضغط ومغطى وشى واقول لامك : ابقى صحينى بعد ما يختاروا واحد... والله خايف تسبنى نايم و ماتصحينيش ؟!!!
بقلم /سحر فوزى/31كاتبة وقاصة مصرية/5/2012
بقلم /سحر فوزى/31كاتبة وقاصة مصرية/5/2012
- رتب حسب
- الأحدث
- الأقدم
التعليقات: 2