عارفك بقلم الشاعر حسام العقدة

عارفك هتنسينى

وتضيعى ف سنينى

بينى وبينك ليل

وياعينى من عينى

****

شكرا يا غنوه قابلتها من غير ميعاد

شكرا يا قصه بتبتدى بعد البعاد

شكرا لأحلى سكوت

فهمنى معناكى

شكرا لموت الموت

فى حياتى وياكى

عارفك هتنسينى

وتضيعى ف سنينى

****

يا ترفعى السماعه مره تودعى ...

يا تقولى إنك لسه فاكره وترجعى

ما تتعبيش قلبى

ما تغلبيش عينى

يا تفضلى جنبى

يا تروحى تنسينى

عارفك هتنسينى .