لو عرفتم عدد مرشحي الرئاسة وصل لرقم كام دلوقتي..هتكونوا عملتوا الانجاز الفعلي لهذة الفترة الحاسمة من تاريخ (مصر)!.
ماتزعلوش مني, أصل هنعمل ايه بمرشح ابن لقيط للملك (فؤاد), ولا بمرشح جاي بشبشب او موتوسيكل, ولا بمرشح يلقب (مبارك) بأمير المؤمنين السابق؟!..
مش هيضيفوا حاجة لسلسلة القرارات المحبطة من نوعية "الغاء المواقع الاباحية" غير قرار محبط جديد,او هيسمحوا بالعفو الكامل عن الجرائم السياسية... الكلام ده معروف.
مين مسئول عن مهزلة مرشحين الرئاسة الهوائيين دول؟, انا بأتهم جهات - من ضمنها الطرف الثالث- بإنهم مسئولين عن الاستهتار بالعملية الانتخابية كما اتهمتهم من قبل بتسفيه الاحساس الوطني عند الشعب و تقليل انتماؤه لبلده.
الحقيقة اني مش هأفرض عليك انك ترشّح شخص معين, و مش محتاج أكرر سيناريو "ان ترشيح شخص لازم يكون مبني على اسس سليمة و عدم تعصب و إلخ إلخ" لان الكلام ده من الواضح انه اترمى في الزبالة من نتيجة انتخابات مجلس الشعب و الشورى.
مش هأسس جماعة زي "حازمون" ولا هأعتبر عدم ترشيح الشيخ (حازم) معصية لله, ولا هأعتبر ان ترشح شخص ليبرالي هو التقدم الوحيد المسموح للبلد لمجرد انه باس (انجلينا جولي) أو قلّع أمه الحجاب أو وافق على زواج المثليين.
أنا مش ضد شخص هيعدل بين الناس, و يضع نصب عينيه اكبر 3 مشاكل في (مصر) :
* المهمشين و الفقراء.
* الديون الخارجية.
* السلام الوهمي مع اسرائيل.
نرجع لسؤالنا الأساسي, كم هو عدد المرشحين لرئاسة (مصر) و كم بقى من الناس ليصوت أصلا؟..
الحقيقة لو ما شوفتش ان الحركة دي مقصودة لتتفيه المنتخبين و تتفيه العملية و جعل الناس تتندم اكتر و اكتر على عهد المخلوع..يبقى انت ليك راي تاني و احب اسمعه اكيد.
المهم ماتشغلوش بالكم بالمرشح المناسب لان في ناس تحت القبة هتوافق على مرشح متلصم عمولة مخصوص لحضراتكم , و طبعا حضراتكم هتوافقوا عليه,لان مش هتلاقي 2 في البلد دي متفقين مع بعض على مرشح واحد.
إلى اين تتجه (مصر)؟ : إلى هرجلة سياسية مؤكدة...بعد ان زادت طوابير (مصر) - بخلاف العيش و المصالح الحكومية و الخ الخ - طابور جديد..
بعيدا عن الكلام الطايش عن مؤامرات خارجية او صفقات بين المجلس و العسكر و كل الكلام اللي لا ارض يستند عليها في ادعاؤه,اقل واجب نحو الشعب بما ان برلمانه الثوري بوادره لا تبشر بالخير,فمن حقه على الاقل انه يتطمن على رئيسه و بلاش نبص للكائنات الخرافية اللي طلعت على الساحة لتسفيه الانتخابات..
ركزوا يا شعب مصر..
محمد البرقي
ماتزعلوش مني, أصل هنعمل ايه بمرشح ابن لقيط للملك (فؤاد), ولا بمرشح جاي بشبشب او موتوسيكل, ولا بمرشح يلقب (مبارك) بأمير المؤمنين السابق؟!..
مش هيضيفوا حاجة لسلسلة القرارات المحبطة من نوعية "الغاء المواقع الاباحية" غير قرار محبط جديد,او هيسمحوا بالعفو الكامل عن الجرائم السياسية... الكلام ده معروف.
مين مسئول عن مهزلة مرشحين الرئاسة الهوائيين دول؟, انا بأتهم جهات - من ضمنها الطرف الثالث- بإنهم مسئولين عن الاستهتار بالعملية الانتخابية كما اتهمتهم من قبل بتسفيه الاحساس الوطني عند الشعب و تقليل انتماؤه لبلده.
الحقيقة اني مش هأفرض عليك انك ترشّح شخص معين, و مش محتاج أكرر سيناريو "ان ترشيح شخص لازم يكون مبني على اسس سليمة و عدم تعصب و إلخ إلخ" لان الكلام ده من الواضح انه اترمى في الزبالة من نتيجة انتخابات مجلس الشعب و الشورى.
مش هأسس جماعة زي "حازمون" ولا هأعتبر عدم ترشيح الشيخ (حازم) معصية لله, ولا هأعتبر ان ترشح شخص ليبرالي هو التقدم الوحيد المسموح للبلد لمجرد انه باس (انجلينا جولي) أو قلّع أمه الحجاب أو وافق على زواج المثليين.
أنا مش ضد شخص هيعدل بين الناس, و يضع نصب عينيه اكبر 3 مشاكل في (مصر) :
* المهمشين و الفقراء.
* الديون الخارجية.
* السلام الوهمي مع اسرائيل.
نرجع لسؤالنا الأساسي, كم هو عدد المرشحين لرئاسة (مصر) و كم بقى من الناس ليصوت أصلا؟..
الحقيقة لو ما شوفتش ان الحركة دي مقصودة لتتفيه المنتخبين و تتفيه العملية و جعل الناس تتندم اكتر و اكتر على عهد المخلوع..يبقى انت ليك راي تاني و احب اسمعه اكيد.
المهم ماتشغلوش بالكم بالمرشح المناسب لان في ناس تحت القبة هتوافق على مرشح متلصم عمولة مخصوص لحضراتكم , و طبعا حضراتكم هتوافقوا عليه,لان مش هتلاقي 2 في البلد دي متفقين مع بعض على مرشح واحد.
إلى اين تتجه (مصر)؟ : إلى هرجلة سياسية مؤكدة...بعد ان زادت طوابير (مصر) - بخلاف العيش و المصالح الحكومية و الخ الخ - طابور جديد..
بعيدا عن الكلام الطايش عن مؤامرات خارجية او صفقات بين المجلس و العسكر و كل الكلام اللي لا ارض يستند عليها في ادعاؤه,اقل واجب نحو الشعب بما ان برلمانه الثوري بوادره لا تبشر بالخير,فمن حقه على الاقل انه يتطمن على رئيسه و بلاش نبص للكائنات الخرافية اللي طلعت على الساحة لتسفيه الانتخابات..
ركزوا يا شعب مصر..
محمد البرقي