اظهر بقلم : الشاعر حسام العقدة

اظهر

اظهر.. اظهر..

اظهر من وسط الشعب..

اظهر من وسط العسكر..

من بين النخبه.. من الاحزاب

م العلما.. او م الازهر..

أظهر..

هات امن الناس.. وحتقدر

هات للشبان احلامها

هات للاطفال السكر..

اظهر..

قبل الميه ما تتعكر

افهم عمالك تصنع

اعرف فلاحك يبدر

اظهر..

انحنى للشجر المثمر

واقطع من بينها الشايخ

واحنا حنرجع ونخضر

اظهر..

اوعى الابواب تتسكر

كسر اقفال زنزينا

خللى الافكار تتحرر

اظهر..

لو قيد الناس يتكسر

ممكن تفرق ويانا..

فيه حاجات ممكن تتغير

اظهر..

تحكم بالعدل .. حتحكم

يختل ميزانك بينا..

نفس الثوره حتتكرر

.....................
شعر : حسام العقدة
.....................
http://hossamelokdah.blogspot.com/