أسير الليل ، شعر : أبو الحب

أسير الليل ..!!

قال:

يا ليل الشعر اطلقلي سراحي
الوجع بالروح اكتر من جراحي

و ايا جرح ، فيي اليوم داوي !؟
بغياب البلسم بيخفت صداحي

ما بدي حط ع عيوني غشاوي
و طيفي جال في كل النواحي

رحت ابحث عن اللون السماوي
و قضيت الليل بالتجوال صاحي

وسيع الكون ، لكن كون خاوي
اذا غابت السمره بالضواحي

نور الشمس في هالعمر غاوي
متل اعمى دليلي كف راحي

نص العمر صرت اليوم طاوي
سنين العمر مطموره في ساحي

و رغم الأسر متحلي بهداوي
و اذا ما طلت السمره عشيي
بلاها ما شفت صبحي صباحي

******
تعي يا نور عيني و لا تغيبي
قبل ما يخطف سنيني مشيبي

القلب مشتاق للبسمه الهنيي
عندما تهتفي ، أهلاً حبيبي

الك ، قدمت يا سمره هديي
قلب خفاق مش خفقه غريبي

و من عيوني ابتسمتلك تحيي
العازل قال : بسماتك عجيبي

عجيبيه! تكون ورده مستحيي
يا عازل افهم الفكره اللبيبي

البسمه عن رضا لورده نديي
بتعني حب عايش في الحنايا
ميزان الحب مش فكره مريبي

ماذا قالت..!!؟
******
سؤال عمك ابو الحب:

ربما نكون مشحونين بموقف مسبق من شاعر كتب قصيده ، والموقف المسبق يضع غشاوة على عيون التحليل ، فهل نكون اسرى الموقف المسبق أم ننطلق في رحاب الشعر.؟