أغنيتين الشاعر حسام العقدة

أغنيتين


أغنيتين متلخبطين
أغنيتين متشبكين
وحته منِّى
نفس الحروف ... نفس الكلام والسحر
والروح ونفس البحر
وانا المغنى
وزى ما يكون الكلام مخلوق عشانهم
ولا اللى قالهم حتى كان يقصد يقولهم
ويحكى عنهم ...
أغنيه منهم ع الربابه
اتغنى منها كتير زمان
والتانيه محتاجه لكمان
واللحن مرمى ف قلب بكره
اغنيتين ...
وكل واحده ... وليها فكره
إزاى هاغنى
وازاى هاغنينى
واعرف اغنيها ...
صياد أنا ... واصطدت جنيَّه
صوتها غُنا وعنيها حنيَّه
لا ليها روح ع البر ويايا
ولا عارف أعيش وياها فى الميَّه .
،،،،،،،
زوروا موقعى على الانترنت رابط : http://hosamansora.blogspot.com