هوسه الشاعر حسام العقدة

هوسه

الشاى وقع على مكتبى ...
غرَّقلى أوراقى
راسم على الأسفلت بالتباشير
رسمه كلام
ورق الشجر يملى الشوارع كلها ...
ما يغطيهاش
سبيها مرسومه
وما تسأليش يحكيلك الحواديت دى ليه
وما تسأليش ليه اليمامه العرجه ...
بتحط ع الأرض البلاط ...

شايله الخطاوى ف كل مره
سألت كل بيوت "نيورك" على قصتك ...
مافهمونيش ...!
ورا الإزاز ما تفرقيش شكل الوشوش
لو ابتديتى ترصى تانى مكعبات فوق بعضها
وهتكتبى ... بس اعرفى ...
إن اللى صعب عليكى إسمك
وان القصيده هتنتهى ...
هتنتهى .
هى الحكايه تضحكك
بس اوعدينى ما تضحكيش
وما تسأليش يحكيلك الحواديت دى ليه
وتصرّخى ف ليل الشوارع
لو رسمنة الأسفلت ...
تمشى ف كل مره ... تفكرك .
,,
زوروا موقعى على الانترنت رابط :
hosamansora.blogspot.com